قصة حور
قصة حور
- ماذا عن حالُ قلبك؟
- توقف من كَم الخذلان الذي تعرّض لهُ، من الصراعات والحروب التي قادها مِن أجل مَن يُحِب، وماذا عنه؟
 |
| قصة حور |
"حور عندي 17 سنة ورغم، أنا اتخذلت من أقرب الناس ليا لدرجة إني كنت بخاف اصاحب أو اتعرف على حد، كنت بحب واحد اسمه يوسف، عمري ما تخيلت إنه في يوم يسيبني أو في يجرحني، كُنا على طول بنتكلم كتير وقريبين من بعض أوي"
"بعد 3 شهور"
رقم غريب بيرن عليا...
_الوو.
_حور معايا؟
_أيوا مين؟
_بصي هما كلمتين هقولهوملك يوسف بيتسلى بيكِ وصورك إداها لصاحبه ومش بيحِبك ولا حاجة إحنا مرتبطين بقالنا سنتين وهيتقدملي بعد شهر وانسي إنه في يوم من الأيام يبوصلك أساسًا
_ إي ده إنتِ مين وتعرفيني منين أساسًا وبعدين إي الهبل ده..!
_مش مصدقاني! طيب افتحي واتس وهثبتلك.
"أول ما سمعت كلامها لقيت جسمي بيتنفض ومش عارفة أمسك الفون من الخوف"
_ تمام ماشي
"فتحت واتس" لقيت اسكرينات وهو بيقولها بحبك ومليش غيرك إنتِ مراتي و...
_أنا من اللِ شوفته حسيت بإن قلبي هيوقف ودموعي نزلت لوحدها.
"كلمت يوسف"
_يوسف؟
_يا روحي عامله إي.
_هو أنت بتحبني؟
_إي الهبل ده هو ده سؤال يتسأل ده إنتِ بنتي مش حبيبتي وبس و...
_طيب وإي ده!
"وريته الاسكرينات"
_إي ده؟
_إي مش عارفها..!
_حور افهميني..
_حرام عليك يا يوسف ليه كده، أنا عملت معاك إي عشان ده يبق جزاتي ليه تعمل فيا كده حرام عليك إنت عارف إني محبتش ولا هحب قدك دمرتني ليه!!
_يا حور أنا آسف بس هفهمك والل...
_حسبي الله ونعم الوكيل فيك
_طب اسمعيني طيب...
"قفلت الفون وفضلت اعيط ومش مصدقة إن يوسف يعمل كده طب ازااااي!! ده كان بالنسبالي بابا واخويا وكل حاجة حلوة في حياتي ليه يارب ليه!! نمت وأنا قاعدة والفون في ايدي.
"نجلاء دخلت الأوضة"
حور؟ يا حور؟ يلا عشان تتغدي حور؟ حور؟ إي ده إنتِ كويسة!! يا ماما إلحقي..
ماما: في إي يا نجلاء حور مالها؟
نجلاء: حور مش بتتنفس يا ماما حور يا حور قومي بالله
"رُحنا بِـ حور المستشفي"
بابا: خير يا دُكتور حور مالها طمني عليها بالله هيا فيها إي؟
الدكتور: البقاء لله.
نجلاء: حور لا لا حور كويسة والله يا حور قومي أنا مليش غيرك بالله قومي بقاا
بابا: ازاي إنتَ بتقول إي لا حور مماتتش لا لاا حور ردي علياا
"الناس كلها زعلت عليها بطريقة ملهاش وصف لإنها كانت طيبة أوي مع كُل الناس طيبة بهبل كدا وغلبانة وعمرها ما إتكبَّرِت على حد وبتتمنى الخير لكُل الناس"
"بعد مرور 20 يوم"
فون حور بيرن..
_السلام عليكم..
- حور ارجعيلي يا حور
يا حور صدقيني أنا غلطت بس سامحيني بالله أنا ملقيتش واحدة بتحبني قدك ولا واحدة وقفت جنبي قدك، أناحسيت بقيمتك بجد دلوقتي صدقيني أنا اتغيرت وهعوضك والله بس ارجعيلي.. حور؟ ردي بق يا حور
"أنا سمعت الكلام ده وببكي ومش عارفة اقول إي"
_حور ردي عليااا
_مين إنت؟
_إنتِ اللِ مين أنا عاوز حور إديهاني يلا قوليلها أنا يوسف
_حور اتوفت
_ إنتِ اتجننتي صح اديني حور يلا بلاش هزار وبعدين مين إنتِ وتمسكي فونها ليه هيا مش بتحب حد يمسك فونها
_ أنا متجننتش ولا حاجة حور اتوفت من 20 يوم وأنا اختها وبعدين إنت تعرفها منين أساسًا؟
_ازااي!! لا متكدبيش اديني حور وأنا هفهمها والله عارف إنها زعلانة مني بس والله هراضيها ناديها بس..
_بقولك ماتت ماتت بس إنت تعرف حور منين؟
_أنا حبيب حور عارف إني آذيتها بس محستش بقيمتها غير دلوقتي وعارف إني دمرتها بس ازااي تسيبني كدا ازااي طيب أنا عمري ما لقيت في حنيتها ولا طيبتها وهيا وعدتني إنها مش هتسيبني حتى لو أنا سيبتها
_ بسببك ماتت بسببك هيا إنت قتلتها بكسرتك ليها ولقلبها كانت فاكرة إنك ممكن تعوضها عن كل اللِ خذلوها بس للأسف طلعت زيهم..
حافظ على بنات الناس وبلاش تكسر قلب حبِّك.