الكاتبة سلمى شعبان

عن الكاتب:-

سلمى شعبان

الجيزة

السيرة الذاتية للكاتبة:-

انا كان حلمي زمان اطلع كاتبة ويكون ليا كتاب في معرض الكتاب بس مكنتش عارفة أبدأ ازاي، صليت العشاء ودعيت أن ربنا يقف جنبي ويخليني اطلع كاتبة، بعديها روحت أمسك التلفون وبقلب في الفيس عادي لقيت مسابقة كتابة وكانت عن النصوص، انا بقا مكنتش اعرف يعني اية بقلب في الكومنتات عشان اخد فكرة من المتسابقين وعرفت بعض الأشياء عن النصوص، روحت كتب نص معرفش ازاي كتبتو بس انا لقيت نفسي بكتب، شاركت بالنص واستنيت النتيجة، لقيت نفسي واخدة المركز الخامس، مكنتش مصدقة نفسي فرحت جدا ومكنتش اعرف خالص اني هاخد مراكز اصلا

من إنجازاتها:-

ومن هنا بدأ مشوار الكتابة فضلت اشارك في المسابقات وافوز خدت "لقب القلم الذهبي " خدت وسام "أفضل كاتبة لعام 2021 " ، بعديها كنت بتمنى اني اشارك في كتاب للخواطر لقيت بوست مسابقة لكتاب "نصوص عظيمة " قدمت وتم قبولي، فرحت جدا أن هيكون ليا في معرض الكتاب، حلمي انحقق أخيراً، وحاليًا الكتاب أسمو "خلف الأبواب المغلقة " ونزل معرض اسكندرية ولسة هينزل معرض القاهرة،

وحاليا عندي حفلة لتكريمي لكتباتي يوم 9/9،

ولسة عندي تاني احققو ولسة عندي كتير ولسة الحلم مخلصش،

كان الفضل كلو يعود لربنا بس هو ديما الي وقف جنبي، محدش بيدعمني حتى صحابي وأهلي محدش خالص بيقف جنبي، بمشي في الطريق لوحدي وعمر عدم دعم حد بيا هيكون عائق في طريقي، ديما ببص لأدام،

ناس كتير كانت بتقرلي انت بتكتبي اي كلام وخلاص أي حد ممكن يكتبو، مكنتش بهتم بكلامهم،

وكنت بتمنى أن يكون ليا كتاب فردي ليا، وحاليا انا شغالة على كتابي الفردي