اقرأ أولًا:
قصة صدفة غيرت حياتي
نعرفكم ببطله قصتنا حور 20سنه طالبه في كليه تربيه حور بنت جميله وطيبه جدا وقلبها طيب قووي يلا ندخل قصتنا وباقي الاشخاص هنعرفهم بعدين..
في يوم من الايام حور كانت قعده ماسكه موبايلها جتلها رساله علي الموبايل من اميل شخص غريب
الشخص المجهول
=انتي في كلية تربية قسم علوم اعاقه
شافت الرساله ومردتش
بعدها بيومين
الشخص المجهول
=كلية تربية شعبه عامه
مكنش قدمها غير انها ترد لانها فكرت ان هو عاوز مساعده
حور
_لا تربيه طفوله. خير حضرتك عاوز حاجه
=لا أنا فكرت حضرتك علوم كنت هسالك في حاجه
_لا أنا تربيه طفوله
=تمام شكرا
_العفو
قفلت التلفون ونامت
بعدها بيومين نفس الشخص
=ازيك
عملت سين ومردتش
بعدها بيوم
=عامله ايه في الكليه
_الحمد لله
=زاكري بقا علشان متندميش
_مش لما أفهم الأول وبعدين ازاكر انا مش فاهمه حاجه في الكليه دي
=ليه دي الكليه كلها حفظ
_مش هحفظ من غير ما أفهم
_عادي بقا مش فارقه
=مالك بايعه القضيه كده ليه
_ما انا اشتريتها قبل كده وهيا الي باعتني
=بتتكلمي عن ايه
_الثانويه
وبدئو يتكلموا وحور حكيتلوا عن الي حصل في ثانوي وسبب انها مش حابه الكليه حور كانت شاطره جدا بس الي حصل في الثانويه نصيب زي الي بيحصل مع اي حد مجبتش المجموع الي يدخلها الكليه الي نفسها فيها فضلوا يتكلموا كتير وهو حكلها عن حياته والي حصل فيها وايه الي خلي حياتوا تتقلب كده
نسيت ااقولكوا ان الشخص ده اسمه عبد الرحمن
عبد الرحمن حكلها انوا اخد الثانويه علي سنتين وكان علمي وحصله شويه حاجات كده خلته بقا انسان مش كويس
وده هنعرفه دلوقت
عبد الرحمن بيحيكي لحور
=بصي يستي انا واحد عملت كل حاجه غلط كل حاجه تخطر علي بالك عملتها شربت كل انواع الدخان بصي هحيلك كل الي حصل بالظبط
انا كنت بزاكر في اول سنه تاني سنة كنت فاكر نفسي هعوض بس معرفتش كنت شغال سواق فااتصاحبت علي ناس بقا وهما الي خلوني اشرب وابقا كده كمان اتصدمت صدمتين وحده في النتيجه والتانيه في البنت الي كنت بحبها
بقيت انسان وحش جدا
بصي انا عندي مشاكل كتير جدا في حياتي وهيا الي مخلياني كده حاجات مينفعش احكيها لاني مش عاوز افتكرها
فضل حور وعبد الرحمن يتكلموا مع بعض كتير وقربوا من بعض وبقا عبد الرحمن بيتكلم مع حور ويحكيلها علي كل حاجه وهيا تسمعه وقالها انو فعلا حبها علشان بتسمعه لان مكنش حد بيتكلم معاه بسبب ان هو مش كويس وكده عبد الرحمن ابتدي يحبها بس هيا بتتعامل علي انهم اصحاب بس لانها مكنش ينفع تشوفه غير كده لان عبد الرحمن مش شبهها
بس هيا بتتكلم معاه لانه صعب عليها حسته فعلا عاوز يتغير بجد عبد الرحمن كان بيحكي لحور علي كل حاجه ومكنش بيخبي عليها حاجه لما كان بيعمل حاجه غلط وكده كان يقولها انا عملت كذا هيا كانت بتزعل منه شويه بس مكنش في ايديها حاجه تعملها غير انها تدعيله ربنا يهديه عبد الرحمن كانت ظروفه وحشه جدا عبد الرحمن بيشتغل من إعدادي اهله نزلوه الشغل علشان يجيب مصاريفه فكان من صغره متحمل مسؤليه وكان بيتكسف يطلب مصاريف من اهله لانه كبر وكده مكنش بيعرف يروح الكليه ولا يجيب الكتب بسبب ان مفيش شغل وكده الموضوع ده كان مضايقه جدا ومكنش بيتكلم مع حور وديما يتخانقوا سوابسبب انها نفسها تغيره وهو مش عارف يتغير
وفي يوم حصل حاجه غيرت حيات عبد الرحمن
=بتعملي ايه
_بكلم اصحابي في حاجه
=لا خلاص فكرتك فاضيه كنت عاوز اتكلم معاكي شويه
=هتنامي ولاهتسهري
_نفسي انام بس غصب عني هسهر لان النهارده عيد ميلادي
=بجد وانا معرفش
_انت مش بتكلمني يعبد الرحمن علشان تعرف
=يعني انا لومكنتش كلمتك مكنتش عرفت
_لا كان هيجي يوم وهتعرف
=كنتي ناويه تقوليلي امتي
_بكره
=انا كده من المفترض اني ااقولك سلام ومنتكلمش تاني
_ليه
=مهو لما يبقا النهارده عيد ميلادك وانا معرفش يبقا النفروض مكلمكيش تاني
_....
مشي عبد الرحمن بعد ماقال لحور كل سنه وهي طيبه
رجع عبد الرحمن بعدها بيومين لان في كلام عَاوز يقوله لحور
حور قاعده زي العاده لقت الرساله من عبد الرحمن
=حور
_نعم
=عاوز ااقولك حاجه بس لو زعلتني مني مش كلمك تاني
بصي انا كنت بحب وحده احلى منك الفرق بينك وبينها ان قلبك طيب يعني قلبك احسن من قلبها وانا مكنتش اتوقع اني احب حد غيرها او اشوف حد احسن منها لكن انتي معلقه معايا من اول ماكلمتك موافقه اجرب احب تاني معاكي وانسي الحب الاولاني فيكي
_امممم هو المفروض ارد ازاي
=ردي زي ما انتي عاوزه انا كده خلصت زمتي من نحيتك
_بص يعبد الرحمن انت عارف انك مش شبهي وانا قلتلك قبل كده انك مش الي في دماغي اولا مش هينفع اتجوز واحد قلبه وعقله مع وحده تانيه وشايفها احلي مني لان عمرك ماهتحبني هتفضل طول الوقت مش شايف غيرها وبس وده مينفع مش هينفع نتعامل مع بعض بالطريقه دي يعبد الرحمن صعب
=تمام عندك حق فعلا
=سلام
_هتمشي
=ما انتي مسبتليش غير كده انا مستهلش اني اتكلم معاكي انتي احسن مني
_طلاما انت شايف كده براحتك بس انا موجوده في اي وقت لو احتاجتني
=سلاام
_سلام
عملها بلوك وقعدوا شهر ميعرفوش عن بعض حاجه بس حور ديما تدعيلوا في صلاتهاان ربنا يهديه ويبعد عنه شيطانه وكانت متاكده انو هيرجع تاني بس هيرجع احسن من الاول هيرجع عبد الرحمن الي نفسها تشوفه وفعلا بعدها رجع عبد الرحمن
رجع يوم العيد قاعده زي عادتها لقت الرساله علي الموبايل
هابي عيد بتفتح تشوف مين لقت عبد الرحمن اتخضت وفرحت في نفس الوقت
_اهلا
_لسه فاكرني
=مش هنساكي
_ايه الي رجعك
=رجعت علشانك انا اتغيرت يحور بقيت عبد الرحمن الي نفسك تشوفيه
_يعني ايه
=يعني بطلت بطلت كل حاجه يحور كل الي بيزعلك مني بطلت علشان انتي تستاهلي، يتعمل علشانك كل حاجه بقيت بذاكر وبقيت كويس رجعت تاني رجعت عبد الرحمن الي كان نفسك فيه
$$$$$$$$
ثُم يأتيك شخص تتعافى من ندوبك به، وجوده معك يجعل الطمأنينة تسكُن في أعماق قلبك شخص ينتشلُك من عُمق المُحيط ويرميك على حافة الشاطئ، شخص مُرسل إليك من اللّه..
&&&&&&&
_بجد يعبد الرحمن بجد انا مش مصدقه الحمد لله يااارب كنت متاكده انك هترجع الحمد لله ربنا استجاب لدعواتي انا انا كل يوم كنت بدعيلك ان ربنا يهديك وترجع يعبد الرحمن بجد مبروووك ربنا يثبتك ياارب وتفضل كده ديما
_بطلت ازاي ايه الي خليك تبطل
=بصي يستي انا كنت قاعد مع اصحابي الي معايا بنشرب سوا وكده وكنا بنزاكر فاصحبي ده كان كل يوم يجي يديني الحشيش ونشرب واجي ااقوله نزاكر مش بيزاكر قلتله انا دلوقت بسمع كلامك في الشرب انت مش بتسمع كلامي في المزاكره ليه زي ما انا بسمع كلامك في الشرب يعم قعد يتوه عرفت ان هو عاوز يبوظني وبس هو ميهموش مصلحتي ولا يهمه حاجه من هنا قررت اني ابطل وبطلت الحمد لله
_الحمد لله مبروك
=انتي عارفه انا فرحان اكتر اني فرحت امي كنت مزعلها بسبب الموضوع ده قووي
اكتر حااجه مفرحاني ان هيا رضت عني بجد الحمد لله
وفضل عبد الرحمن وحور يتكلموا كتير قوووي ورجعوا تاني زي الاول وبعدين جت الامتحانات كل واحد فيهم كان مشغول في امتحاناته بس كانوا كل يوم يتكلموا مع بعض علشان يطمنوا كل واحد علي التاني وخلصوا الامتحانات والنتيجه طلعت والاتنين نجحوا وعبد الرحمن فرح اهله وبالاخص مامته زي ماكان عاوز لان نسيت ااقولكوا ان عبد الرحمن عنده 22سنه بس في الفرقه الاولي لانه سقط في سنه اولي يعني اخد اول سنه علي سنتين زي الثانويه بس دخول حور حياته غيره وخلاه فعلا عاوز ينجح ويبقي كويس واتغير للاحسن بعديها حور ابتدت تحب عبد الرحمن بس مينفعش تقول.
```أجدهُ في روُحـي كأنمّا لا شيء بـي إلا هوَ 🔗```
عبد الرحمن حبها وفاتح اهله ان هو عاوز يخطب وده كان رد فعل اهل عبد الرحمن
باباه=تخطب ايه روح شوف نفسك الاول ههه انت عاوز تتجوز انت عارف تشيل مسؤليه نفسك
_يابا انا كبرت وشغال ومعايا قرش في ايدي وبحب بنت وعاوز اخطبها واكمل معاها حياتي
=بتحبها هو انت بتعرف تحب اصلا خليك في شغلك انت عارف تصرف علينا لما هتتجوز وحده وعاوز تصرف عليها ي اخي روح اتنيل شوفلك سجاره اشربها كتك نيله
كلاما ابوه كسره
عبد الرحمن بيرد علي والده
_ياأخي حرام عليك بقا انا قلتلك بطلت واتغيرت خلاص وعلي فكره البنت دي هيا السبب انا اتغيرت علشان خاطرها هيا الي وقفت جمبي ودعمتني لحد ما اتغيرت انت كان كل همك شغلي والفلوس وبس عمرك مافكرت انك تنصحني او تخلي بالك مني كان كل همك بقبض كام وبس حرام عليك بقاوالبنت دي مش هسبها انا هتجوزها حتى لو هروح اخطبها لوحدي مش هسبها انت فاهم
=روح روح لوحدك واعمل حسابك لا انت ابني ولا اعرفك ولو اتجوزت البنت الي بتقول عليها دي يبقا تشوف سكن تاني تتجوز فيه بعيد عن هنا
دخلت ام عبد الرحمن في الحوار
=حرام عليك شيب الواد بقا يشوف مستقبله انت كرهته في نفسه ودمرت حياته كفايه بقا ربنا هداه وفاق لنفسه سيبه بقا يتجوز ويشوف حياته نفسي اشوف خلفته قبل ما اموت😭=اخرسي يوليه عليا الطلاق بالتلاته منك لو سمعت حسك لتكوني طالق
_خلاص ي اما خلاص
خلاص يا ابا انا مش هتجوز غيرها ولو مش عاوزني اقعد هنا لما اتجوز خلاص مش هقعد بس سبني اتجوز البنت الي اخترتها
خلصوا كلام وعبد الرحمن دخل الاوضه شويه وطلع
=رايح فين يابني اوعي تمشي انا مليش غيرك
_ماتخفيش يما انا هخرج اشم هوا وارجع متقلقيش
=ماشي يحبيبي ربنا يهديك
عبد الرحمن خرج وكلم حور
=ايه يعبد الرحمن انت فين قافل بقالك كتير ليه
_مفيش يحور انا كويس بس سبيني دلوقت
=لامش هسيبك مالك يعبد الرحمن في ايه
... _
=عبد الرحمن انت بتعيط مالك فيك ايه
_تعبت يحور تعبت تعبت من كل حاجه خلاص مش قادر استحمل بقا
=في ايه طيب اهدي حصل ايه. بس حد زعلك
بدء عبد الرحمن يحكيلها علي الي حصل
=وبعدين يعبد الرحمن هتعمل ايه
_هعمل زي ماقلتلك هاجي اطلبك من اهلك مش هسيبك يحور
=بس انا مش عاوزه اعملك مشاكل مع اهلك المشاكل كده كده موجوده وانتي عارفه وانا مش هسيبك مهما يحصل
خلصوا كلام مع بعض واتفقوا ان هيا تكلم اهلها وتحكلهم عن عبد الرحمن واهله
حور فعلا كلمت اهلها وحكت لهم علي كل حاجه اهلها كانوا معترضين في الاول بس لما قعدوا مع عبد الرحمن واتكلموا معاه حبوه واعتبروه زي ابنهم ووافقوا
واتخطبوا وفي يوم حصل حاجه غيرت حياتهم الاتنين كان يوم غريب جدا للاسف حصل حاجه غريبه قووي
كانوا هما الاتنين خارجين مع بعض فجأه قابل عبد الرحمن اصحابه القدام كانوا اتحبسوا بسبب المخدرات ولما طلعوا قرروا ينتقموا من عبد الرحمن لانهم فكروا ان هو الي مبلغ عنهم
=اهلا يحلو
_بقولك ايه يمسعد امشي وسبني في حالي احنا معدش بينا حاجه نتكلم فيها خلاص
=لا في يحلو لازم ناخد حقنا منك
=عبد الرحمن يلا نمشي ونسبهم يلا
حور خافت من شكلهم لانهم كان باين انهم ناوين علي الشر
_متخافيش يحبيبتي محدش يقدر يلمسك وانا معاكي
جه صوت من ورا عبد الرحمن صوت حد من اصحابه
هأو هأو هههههه ويضحك ضحكه شريره
عبد الرحمن:حقوا ايه انا بعدت عنكوا من زمان ومعرفش عنكوا حاجه
_لا يحلوا انت الي بلغت عننا ومحدش غيرك عملها ولازم ناخد حقنا منك
=محصلش انا معملتش حاجه
_اضحك بالكلام ده علي حد غيرنا
عبد الرحمن رفع ايده عليه وكان هيضربه لاكن َمسك ايده وضربه بالدماغ في وشه وقع عبد الرحمن علي الارض وحور قعدت تعيط وجريت عليه
راح واحد واخدها وزقها علي الارض عبد الرحمن قام جرا عليها راح واحد ضربه بشومه علي رجله راح مقعده في الارض
وواحد تاني معاه مطوه راح لحور وراح ضربها في بطنها وقال لعبد الرحمن ده بس تذكار علشان لو فكرت تبلغ البوليس تاني
ومشيوا عبد الرحمن راح يجري علي حور زحف علي الارض لانه مكنش قادر يمشي
=حور قومي يحور ردي عليا يحور
حور بتتكلم بصعوبه
_متخفش يعبد الرحمن انا كويسه انا بس عاوزه ااقولك اني بحبك قووي كان نفسي نكمل مع بعض بس خلاص اخرنا كده خلي بالك من نفسك وسامحني لو زعلتك
=شششش متتكلميش خالص انتي هتقومي وهتبقي كويسه وهنتجوز يحور وهنعيش مع بعض متسبنيش انا انا اتغيرت علشانك متمشيش وتسبيني يحور حور ردي عليا ح حو حورررررررررر متسبنيش يحور ده انا الدنيا مضحكتش في وشي غير لما قبلتك قوومي علشان خاطري
ماتت حور خلاص وعبد الرحمن راح بلغ عن اصحابه واتقبض عليهم واتحكم علي الشخص الي قتلها بالاعدام وبكده رجع حق حور وعبد الرحمن فضل عايش علي زكراها ومحبش حد بعدها
&&&&&&&&&
إشتقت لروح لم تلبث في حياتي طويلاً،رحلت وخلفت ورائها نهرامن الأحزان التي لاتنضب.غادرتني تلك الروح بعد عمر طويل من الحب؛من عمق الصدق افتقدك"!
$$$$$$$$
وحالته النفسيه تعبت جدا لانه كان حاسس ان هو السبب في الي حصل لحور وفضل طول حياته يصلي ويدعي لحور ويدعي ان ربنا يسامحه علي الي عمله في حياته وان ربنا يجمعه بحور في الجنه قعد بعد حور سنه وبعديها مات وبكده انتهت حكايه عبد الرحمن
اتمني تكونوا استفدتوا حاجه او عرفت اوصل وجه نظري
#لقد كان مجيئك مجئ السلام لقلبي ♥️
#صدفه غيرت حياتي ☺️💐
#بقلمي
#وفاء _رضا