قصة موعظة حسنة

 قصة موعظة حسنة

_يا منار مينفعش تطلعي شعرك من الطرحه كده ولا تبيني رجليكي من البنطلون مش كفاية لابسة محزق وملزق وكمان بتبينى جسمك حرام عليك يا بنتي هتدخلي جهنم دا إنتِ مسلمة

قصة موعظة حسنة

=متدخليش في إللى ملكيش فيه يا منه وخليكي فى حالك

_يعنى أشوفك بتعملى الغلط وأسكت يا منار 

=ايوه أسكتي ومتدخليش في حياتي تاني مش علشان إنتِ مختمره ومستشيخه فيها عايزه الناس كلها تبقىٰ زيك

_عايزه الناس كلها تبقىٰ زيى علشان دا الصح ده إللى قال عليه ربنا ورسولنا الكريم مقلش ترفعي البنطلون ورجليكي تبان وتبيني شعرك من الطرحه

=أظن إن دى حياتى وأنا حره فيها وخلي نصايحك ل نفسك يا عسل

_ طب قوليلى اى لازمة الطرحه لما إنت مبينه شعرك منها ما تشليها أحسن شليها وأهو هتبقىٰ ذنب ب ذنب 

_لا حول ولا قوه الا بالله يا بنتي أرجعي عن إللى بتعمليه ده إنت بتقلدي أى حاجه بتشوفيها وخلاص ومعرفاش أى الصح من الغلط أرجعي يا منار هتندمى والله هتندمى

إنت متعرفيش إنت وإللى زيك عذابكم عامل إزاى يوم القيامه ولا فى القبر طب قوليلي عمرك فكرتي تصلى عمرك فكرتي تمسكي المصحف وتقرأى ولو صورة قرأن واحده 

حياتك كلها خراب بتكلمي شباب وبتخرجى معاهم وأنا عديتلك كتير لكن والله ما هسكت يا منار مش هسكت

=هتعملي أى يعني اوعي يا منه تقولي ل بابا اوعي دا كان يقتلني متقوليش ل بابا وأنا هعمل إللى إنتِ عيزاه

_ مش إللى أنا عيزاه إللى عايزه ربنا وإللى أمر بيه يا منار ولازم تكون عندك النيه إنك تعملي كده وتتوبي عن إللى بتعمليه 

ظلت منار تفكر لعدة ثوانى وكان شيء بداخلها يقول لها لقد حان موعد التوبه ثم تحدثت منار قائله

=طب ماشى هفكر يا منه وهكلمك

= ماشى سلام يا منار أنا ماشيه واتمنى إنك تكون عندك النيه إنك تتوبي 

مر يومان وأتت منار إلى منزل منه لكى تطلب منها كيفية التقرب من الله 

=أنا جيت أهو يا منه وأنا مقتنعه جداً إن أقرب من ربنا وأعمل إللى أمرنا بيه

_ تعالى يا منار أول حاجه تبقى مقتنعه إنك هتتخلصى من كل إللى كنتى بتعمليه

هتلبسى واسع و مش هتلبسى بناطيل تانى ولا هتبينى شعرك من الطرحه ولا هتكلمى شباب وتخرجى معاهم وهتمسحى كل أرقامهم من عندك وهتصلى كل فرض فى وقته مش هتسيبى فرد وهنقرأ قرآن وهنمنع الأغانى وعارفه إنك مش ممكن تعملى ده مره واحده كده أكيد هتعملى حاجات من إللى كنتى بتعمليها بس هنقلل الموضوع لحد ما تمتنعى عن كل المعاصى إللى كنتى بتعمليها نهائي

=حاضر يا منه هعمل كل ده

_و يلا بقه تعالى نتوضىٰ ونصلى الظهر علىٰ أذان 

قامت منار و منه بالوضوء والصلاه

= يااااه يا منه إنت مش متخيله قد أى أنا مرتاحه بعد ما صليت بجد حاسه بكمية هدوء وسكينه جواى محسيتش بيها قبل كده ولا الأسدال إنت مش متخيله أنا مرتاحه فيه إزاى 

_شوفتى يا حبيبتى التوبه حلوه إزاى

=أنا مش عارفه أشكرك إزاى يا منه شكرا اووى وأتمنى ربنا يغفر لى كل إللى عملته

_متشكرنيش يا روحى أشكرى ربنا لان هو إللى بعتنى ليكى على شان تتوبي وأكيد ربنا هيسامحك علشان رجعتيله وقررتي تتوبي. 

"توبوا يا جماعة والله مفيش وقت توبوا وارجعوا لربنا"

#ل_رحاب_عبدالحكيم"عهد"