قصة طريقي
محتويات المقال
قصة طريقي للكاتبة فاطمة المهدلي
الكاتبة فاطمة المهدلي
نبذة عن قصة طريقي
منذ صغري مررتُ بمشاكل كثيرة أكبر من سني لا يستطيع أحد أن يتحملها كل من في سني كانوا يلعبون فقدتُ طفولتي منذ مجيئي للحياة التي أعطيتها عمري كله دون لعب أو مرح والإستمتاع مثل البقية منذ صغري تحملتُ مسؤلية كبيرة أكبر من حياتي حتي. سأحكي فيها عن قصة بنت اسمها حياه منذ مجيئتها علي الحياة وما مرت بها سنتعرف علي كثير من الشخصيات أثناء الكلام.
 |
| قصة طريقي |
بعد زواج أهل حياه عن حب ومعاناة أزمات الحياة ومشقاتها تجاوزوا كل المشاكل وعاشوا مع بعض في ظل هذا المجتمع أصبحوا زوج وزوجة
والد حياه:أنا مبسوط جدًا إننا خلاص إتجوزنا وبقينا سوي بعد تعب طويل
والدة حياه:وأنا كمان طايرة من الفرح إننا بقينا سوي وخلاص مع بعض.
دخلت والدة حياة بيت أبيها وكونت بيت بعد هذا الحب كله وبعد حولي سنتين ومفيش حمل بدأت والدة حياة أن تقلق وتتوتر.
والدة حياة: يلا نكشف نشوف الحمل إتأخر ليه عشان نطمن حتي.
والد حياة: أنا اتكلمت في الموضوع دا أكتر من مرة وبعدين أنا مش مستعجل وإلا ربنا كاتبه هيكون
والدة حياة مكنتش مطمنة وغابت كذا يوم زعلانه نفسها في ولد أو بنت يملوا عليها حياتها وخصوصًا كلام الناس زاد وليه مخلفتش لحد دلوقتي ورفض والد حياه إنه يكشف والدة حياة تعبت من الكلام مع جوزها وغضبت وراحت لأهلها كذا يوم.
والد حياه غضب وراح جابها من عند أهلها ووافق إنه يكشف عشان خاطرها وبعد حوالي إسبوع راحوا يكشفوا.
الممرضة:مدام أمل وأستاذ خالد اتفضلوا
دخل والد ووالدة حياة للدكتور
الدكتور:ممكن تتفضلوا
وبعد ما الدكتور كشف
الدكتور:إحنا طبعًا مؤمنين بقضاء الله وقدره وأي حاجة هيعملها هتكون في صالحنا.
والد حياة:طبعًا يادكتور خير قلقتني
الدكتور:خير إن شاء الله للأسف المشكلة عند المدام بس حلها بسيط التكنولوجيا اتطورت وفي عمليات عادي مفيش مشكلة
والدة حياة سمعت الكلام نزل عليها زي الساعقة وخرحت من العيادة من غير ما تتكلم وهي منهارة من جواها وعايزة تموت نفسها وبعد ما روحوا والدة حياة قفلت علي نفسها بابا غرفتها ومرديتش تفتح لحد لمدة يومين وهي منهارة من البكاء
والد حياة:أمل افتحي افتحي بقا متتعبنيش معاكي أنا قولتك بلاش وانتي أصريتي ليه بتعملي فينا كدا افتحي بقا و أنتِ مؤمنة بقضاء الله
أمل: مش هفتح عايزة أبقي لوحدي شويه وقت ممكن
خالد: تمام ماشي أهم حاجة راحتك وتبقي كويسة وخليكي فاكرة إن ربنا مبيعملش حاجة فيها شر لعبادة اصبري وهنال الرضا إن شاء الله
والد حياه كان نفسه في طفل حلم أي حد إنه يكون أسرة بس مكنش بيبين كدا علشان والدة حياه كفاية زعلها من جواها.
وبعد يومين خرجت والدة حياه من الغرفة متغيرة تمامًا مبتتكلمش وساكتة طول الوقت.
خالد: في أيه يا أمل مالك فكي كدا وإنسي
أمل: أنسي إزاي بس إنتي مش مدرك الحزن إلا جوايا كفاية كلام الناس إلا في الطالع والنازل
خالد: أنا برضوا دا أنا بحاول بكل الطرق ومبينش إني زعلان عشانك
أمل: أنا ءاسفة أنا مش عارفة أنا بقول أيه خليك معايا ومتسبنيش
خالد: أنا معاكِ طول العمر بس إهدي كدا ومتفكريش في أي حاجة
أمل: حاضر بس في حل إنني نعمل عملية أنا نفسي في طفل بجد
خالد(بصوت مخنوق): هو مش أنا قولت نقفل علي الموضوع دا وخلاص كدا في أية.
وقام فتح بابا الشقة وخرج من البيت وهو مخنوق.
أمل قعدت تبكي وهي بتشكي لربنا مليش غيرك يارب خليك واقف معايا ودخلت تتوضي وجابت مصليتها وقعدت تصلي وتدعي ربنا كتير ونامت من التعب.
في نفس الوقت خلد راح المسجد واتوضي وصلي وهو بيدعي ربنا إنه يكرمهم ويخلي مراته مبسوطة وسعيدة في حياتها.
يا تري هيحصل أيه بعد كدا؟.
#الجزء الأول
فاطمة المهدلي
أمل قعدت تبكي وهي بتشكي لربنا مليش غيرك يارب خليك واقف معايا ودخلت تتوضي وجابت مصليتها وقعدت تصلي وتدعي ربنا كتير ونامت من التعب.
في نفس الوقت خالد راح المسجد واتوضي وصلي وهو بيدعي ربنا إنه يكرمهم ويخلي مراته مبسوطة وسعيدة في حياتها.
خالد رجع البيت وهو ساكت ومبيتكلمش خالص ومخنوق من جواه وعايز يعيط بس بيبين عكس كدة قدام مراته عشان متزعلش.
كل واحد عايش حياة صعبة جدًا وكل أملهم في ربنا إنه يكرمهم وخصوصًا أمل نفسها في طفل.
وبعد حوالي شهرين خالد رجع من الشغل وفتح الشقة وقعد ينادي علي أمل
خالد: أمل إنتِ فين يلا حضري الغدا أنا جعان
أمل:...........
خالد بخوف: أمل مبترديش ليه إنتِ فين.
خالد إتوتر وقعد يدور علي أمل دخل المطبخ والصدمة إن أمل مرمية علي الأرض.
خالد:أمل في أيه مالك حصل أيه ردي عليا
أمل.........
خالد شالها وركب العربية بأقصي سرعة وراح علي أقرب مستشفي
خالد:دكتور دكتور بسرعة مراتي مغمي عليها معرفش في أيه
الدكتور: إهدي بس إن شاء لله خير يا ممرضة يلا بسرعة خدي المريضة
خالد واقف متوتر وخايف علي أمل وبيلف في الطرقه رايح جاي وفجأة الدكتور طلع
خالد:خير يا دكتور في حاجة
الدكتور:خير إن شاء الله مبرووك
خالد:مبروك علي أيه
الدكتور:المدام حامل
خالد:بجد أنا مش مصدق أنا مبسوط جدًا وفضل يدعي ويشكر ربنا وسجد سجدة شكر للرب وراح الغرفة وقال أمل وأمل هتموت من الفرحة
أمل:ان انا مش مصدقة دا بفضل ربنا ونعمه علينا وقعدت تشكر ربنا.
خالد وأمل روحوا البيت وقعدوا يصلوا ويشكروا ربنا وناموا وهما مبسوطين.
ياتري فرحتهم هتكمل؟؟.
الجزء الثاني
بعد ما خالد وأمل فرحتهم بقت كل حياتهم من بعد حمل أمل وكرم ربنا ليهم بعد كل السنين وصبرهم ربنا جزاهم خير.
خالد وأمل طايرين من الفرحة بعد سماع خبر حمل أمل وفي مولود جديد هيكمل الأسرة.
وبعد حوالي كام شهر وهما مبسوطين وأتي ميعاد الدكتور.
خالد: يلا يا أمل عشان منتأخرش
أمل: حاضر
نزلوا من الشقة وهما نازلين جارة أمل اسمها مي.
مي: إزيك يا أمل
أمل: الحمد لله
مي: والله إتبسط جدًا لما عرفت إنك حامل
خالد واقف مخنوق لأنه عارف إنها شخص حسود ومبتتمناش لحد الخير
أمل: شكرًا يا حبيبتي كتر خيرك
ونزلوا وركبوا العربية وراحو للدكتور
الممرضة: مدام أمل اتفضلي
أمل: حاضر
بعد مادخلوا.
الدكتور:مدام أمل اتفضلي
بعد ما كشفت لاحظوا علي الدكتور إن ملامحه اتغيرت.
خالد:في أيه يا دكتور
الدكتور:خير إن شاء الله بس في مشكلة
خالد بتوتر:مشكلة أية يا دكتور قلقتني
الدكتور:بصراحة في خطر علي مدام أمل فلازم علينا ننزل الطفل وإلا هيبقي في خطر علي حياتها
أمل مصدومة من إلا بيحصل معاها بعد ما ربنا كرمها فرحتها اتحولت لحزن.
خرجت من العيادة من غير ما تتكلم وهي بتبكي من جواها وخالد خرج وراها بسرعة وركبوا العربية وهي ساكتة تمامًا وخالد طول الطريق بيكلمها وهي مبتردش عليه.
روحوا البيت وخالد زعلان علي حالة أمل ومخنوق من حالتها وهي كدا وحاول يتكلم معاها كتير عشان تنزل الطفل.
أمل:خلاص ياخالد أنا مش هنزل الطفل حتي لو في خطر علي حياتي إنتَ مش حاسس بيا أنا نفسي في طفل.
خالد واقف واستسلم للأمر ووافق أمل بي كان خايف عليها وواجب عليه يواسيها في صعبها.
ويوم عن يوم أمل بتتعب في الحمل وخالد خايف عليها وخايف يقولها تنزل الطفل بس خايف من ردة فعلها وكمان في شعور جواه بحب للطفل بس مش عارف يختار حياة مين أهم.
يا تري فرحة أمل هتكمل بمولود جديد؟؟
الجزء الثالث
ويوم عن يوم أمل بتتعب في الحمل وخالد خايف عليها وخايف يقولها تنزل الطفل بس خايف من ردة فعلها وكمان في شعور جواه بحب للطفل بس مش عارف يختار حياة مين أهم.
وفي آخر شهر ليها في الحمل والتعب بيزيد عليها يوم عن يوم.
وفي يوم من الأيام خالد رجع من الشغل لقي أمل بتصرخ بوجع كبير راح جري عليها
خالد: أمل أمل في أية
أمل: مش قادرة يا خالد أنا شكلي بولد.
خالد:يلا بسرعة علي المستشفي
جهزوا نفسهم وخالد ساند أمل علي السلم ونازلين وركبوا العربية زراحو اامستشفي.
خالد:يا ممرضة بسرعة مراتي شكلها بتولد بسرررعة
الممرضة:حاضر يا فندم هنادي للدكتور.
دكتور دكتور بسرعة في حالة
الدكتور:حاضر
خرج الدكتور بسرعة وأمل بتصرخ من الوجع.
الدكتور:يا ممرضة بسرعة جهزي غرفة العمليات
الممرضة:حاضر يا دكتور
دخلوا أمل علي غرفة العمليات ولأن الدكتورعارف حالة أمل
الدكتور:أستاذ خالد ممكن تمضي علي الورق دا
خالد:ورق أية دا يا دكتور
الدكتور:دا ورق بيقول إن المستشفي مش مسئولة عن إلا هيحصل لأن حضرتك عارف في حياة شخص هتبقي في خطر.
خالد واقف متوتر وشارد في التفكير
الدكتور:أستاذ خالد أستاذ خالد
خالد:............
الدكتور رفع يده علي كتف خالد خالد إنتبه
قولت أيه يا أستاذ خالد
خالد مش عارف يرد يقول أيه بس مفيش حل قدامه غير ده عشان مراته.
خالد خد الأوراق من الدكتور ومضي عليها وهو مخنوق.
الدكتور باشر بالعملية.
خالد قاعد متوتى جدًا وخايف علي أمل.
وبعد مدة كويسة خرج الدكتور
خالد:أيه يا دكتور العملية نجحت وأمل والطفل كويسين
الدكتور:الطفل كويس بنوتة زي القمر
خالد جواه فرحة مش طبيعية وبعدين افتكر أمل
خالد:وأمل يا دكتور
الدكتور:............
خالد:أيه يا دكتور أمل فيه حاجة
الدكتور:البقاء الله مقدرناش ننقذ المريضة.
خالد واقف ومصدوم مش عارف يفرح ولا يحزن من جهه مولود جديد ومن جهه مراته إلا اتوفت وقعد يفكر كتير في الطفل وإزاي هيقدر يربيها من غير أم.
خالد دخل الغرفة وشاف أمل وقعد يبكي وهو منهار ومش عارف يتصرف وبعديت اللممرضين خدوا جثة أمل عشان يجهزوها للدفن.
وبعد شويه خالد سمع صوت الطفلة وهي بتبكي راح خدها وأذن في أذنها وقعد يشوف ملامحها ويبصلها بتركيز ويقول إنتِ شبه مامتك نسخة طبق الأصل منها.
وبعد مدة الممرضة دخلت
الممرضة:هتسمي الطفلة أية عشان نسجلها
خالد:بتفكير هسميها حياه لأنها بعثت في الأمل من جديد
الممرضة:تمام
وبعد حوالي ٥ساعات الجثة جهزت وخالد راح يدفنها وهو منهار من جواه وإن أمل سابته وأمنته أمانة صعبة جدًا.
وبكدا انتهت قصة أمل مين زعلان علي فقدنها ولا أنا بس
ياتري الأب هيقدر يربي الطفلة من غير أم.
الجزء الرابع
أمل اتوفت وسابت طفلة صغيرة مع بباها يا تري خلد هيقدر يربي حياة من غير أم صعب جدًا الموضوع دا طفلة تتولد من غير أم.
خالد: أنا مش عارف يعمل أية وخصوصًا أمل سابته لوحده يربي طفلة وميعرفش هيتعامل معاها إزاي.
خالد فكر يودي الطفلة بيت أهل مراته لأن كان وحيد ومعندوش إخوات وأمل كان عندها إخوات بنات أصغر منها فأكيد هيكونوا أحن عليها.
أهل أمل زعلوا علي فقدنها جدًا وخصوصًا أبوها لانه كان بيحبها جدًا.
خالد: إزيك يا أبو أمل عامل أية
أب أمل بزعل: الحمد لله
خالد: أنا كنت جاي أكلم حضرتك في موضوع
أب أمل: اتفضل يابني
خالد: أنا محتاج منكم إنكم تربوا حياة مفيش حد هيبقي أحن عليها منكم أنا مش هقدر أعمل كدا لوحدي وهبقي أجي أزورها.
خوات أمل قعدوا يبصوا لبعض
اخوات أمل: بابا عايزينك
حاضر أنا جاي ودخل معاهم الغرفة وخالد مستغرب من ردة فعلهم
خوات أمل بكيد بابا إحنا هنربي الطفلة دي إزاي واحنا ملناش دعوة أساسًا إحنا هنتجوز كفايا المشاكل بتاعتنا وكلهم انسحبوا ومرضوش بحياة.
أهلها اتبروا منها أية إلا حصل في الزمن دا.
أب أمل خرج وهو حاطط راسه في الأرض إحنا ءاسفين يابني مش هنقدر ناخد الطفلة.
خالد بصدمة وقع علي الأرض وقعد يفكر كتير علي حياته وحياة بنته وخد حياه ولسة طالع من الشقة أخت أمل فرح أصغر واحدة فيهم في ثانوية عامة.
فرح: أستاذ خالد
خالد نعم يا فرح
فرح:ما تقلقش أنا هبقي أجي أزوركم وأطمن عليك إنتَ وحياة
خالد ببسمة متدارية:كتر خيرك يا فرح.
خد حياه وراح علي البيت وغير كلام الناس إلا بيقطع في خالد إن حياه نحس وأمها ماتت وهي بتولدها وطبعًا مش هيقدر يسكتهم كلك.
خد حياة وطلع السقة وضمها ليه كأنه شايف أمل فيها هي نسخة طبق الأصل منها وجميلة زيها وعيونها زرق هي ملاك مش بنت.
ويوم عن يوم الموضوع بيصعب علي خالد في تربية حياه وهي صغيرة كدا وغير الحاجات إلا بتحتاجها زي اللبن ومش قادر يعمل حاجة بس مفيش حل غير كدا مفيش حد يساعده في تربية حياة.
يا تري الأمر هيفضل كدا؟؟
الجزء الخامس
ويوم عن يوم الأمر بيصعب علي خالد في تربية حياه وهي صغيرة كدا وغير الحاجات إلا بتحتاجها زي اللبن ومش قادر يعمل حاجة بس مفيش حل غير كدا مفيش حد يساعدة في تربية حياه.
أخت أمل كانت بتيجي تشوف حياه بس عشان هي في ثانوية عامة ومشغولة بمذاكرتها ودروسها مكنتش بتيجي علطول.
خالد معتش بيروح الشغل هو كان شغال محامي ووقف شغله عشان حياه محدش هيرعاها.
خالد: هعمل أية دلوقتي معدش معايا فلوس أصرف علي إحتياجتنا وحياه هسيبها لمين قعد يفكر وقال إنه لازم يشوف مربية أطفال تشوف حياه وتقعد معاها لحد ما تكبر ويطلع الشغل عشان يصرف عليها.
خالد: إزيك يا أحمد
أحمد: الحمد لله فيه حاجة
خالد: خير إن شاء الله كنت عايزك في موضوع
أحمد: في أية
خالد: كنت عايزك تشوفلي مربية أطفال تشوف حياه لحد ما أرجع من الشغل
أحمد: حاضر بس الأمر صعب شويه بس هحاول.
خالد: حاول ترد عليا بسرعة وتكون محترمة وتقدر المواعيد
أحمد: حاضر
بعد كذا يوم خالد قاعد في البيت وبيعتني بحياه
أحمد: ألو يا خالد عامل أية
خالد: الحمد لله أية الأخبار
أحمد:أنا لقتلك مربية أطفال تعتني بحياه.
خالد:طب كويس هتقدر تيجي إمتي
أحمد:في أي وقت تحبه
خالد:خلاص خليها تيجي بكرة الساعة سبعة الصبح
أحمد:ماشي
اليوم التاني الباب خبط علي شقة خالد.
السلام عليكم
خالد:وعليكم السلام مين حضرتك
أنا أسماء مربية الأطفال الأستاذ أحمد كلمني عشان أعتني ببنت حضرتك
خالد:تمام اتفضلي
دي بنتي حياه هتشوفيها لحد ما أروح الشغل وأرجع
أسماء:حاضر يا فندم
وراح خالد الشغل واستمرت الأيام علي نفس الحال لحد حياه بقي عندها أربع سنين وكبرت شوية.
حياه:بابا بابا أنا عايزة أروح معاك الشغل وأشوفك وإنتَ بتشتغل
خالد:ههههه مينفعش أنا هوديكي عند جدك لحد ما أرجع
حياه:خلاص يابابا مع إني مبحبش أروح هناك بس بحب خالتوا فرح وهي كمان بتحبني
خالد:خلاص اقعدي معاها لما أرجع وأنا مش هغيب
حياه:خلاص يابابا ماشي أنا بحبك قوي يابابا
خالد:وأنا كمان بموووت فيكِ يلا بقي عشان متأخرش علي الشغل
حياه:حاضر يابابا يلا بقي.
الجزء السادس
واستمر الحال علي إن خالد يروح الشغل وحياه تروح عند أهل مامتها لحد ما خالد يرجع من الشغل بس حياه كبرت وفهمت ومعدتش بترضي تروح عند أهل مامتها وخالد لازم يروح الشغل عشان يقدر يصرف عليها.
حياه دلوقتي تقدر تدخل المدرسة
خالد: إزيك يا أحمد عامل أية
أحمد: الحمد لله
(أحمد بيكون صديق خالد المقرب)
خالد: بقلك عايزك تشوفلي مدرسة كويسة عشان حياه وتكون قريبة
أحمد: حاضر هشوفلك أي مدرسة يعني يكون سعرها كويس
خالد: لا عادي حتي لو غالية أهم حاجة تكون مدرسة كويسة ومستواها التعليمي كويس.
أحمد: خلاص هشوفلك وأرد عليك
خالد: حاضر
ومر كذا يوم وبعدين
أحمد: ألو يا خالد
خالد: أية الأخبار لقيت مدرسة
أحمد: أيوة مدرسة كويسة وكمان قريبة من سكنك
خالد: كويس خلاص نروح بكرة نقدملها ونشوف الأوراق المطلوبة
أحمد: تمام هعدي عليك
خالد: مين بقي هيروح المدرسة ويتعلم حاجات كتير ويبقي أحلي شخص
حياه: أنا أنا بس هتيجي معايا صح
خالد: هترجعيني طالب تاني ولا أيه متخفيش هيبقي عندك صحاب تلعبوا وتدرسوا مع بعض.
حياه( بتفكير): حاضر يابابا
اليوم الثاني
خالد وأحمد راحوا يقدموا لحياه.
المديرة: الأوراق مظبوطة وكل حاجة تمام.
خالد: يعني حضرتك تقدر تيجي من إمتي.
المديرة: من بكرة علطول لأنها داخلة متأخر وعايزة حضرتك تتابع معاها عشان الإمتحانات.
خالد: تمام
خالد روح البيت وقال لحياه إنها هتروح المدرسة من بكرة وهتتعرف علي صحاب جداد وتلعب معاهم.
حياه طايرة من الفرحة وذهبت لفراشها عشان تصحي بدري للمدرسة
أتي الصباح ليزهر الطريق ويحقق الأحلام.
خالد: يلا يا حياه عشان المدرسة
حياه من فرحتها صحت بسرعة عشان تروح المدرسة وجهزت كل أدوتها وركبت مع بباها العربية يوصلها للمدرسة وحياه في قمة السعادة.
يا تري حياه هتحب المدرسة ولا هنلاقي شيء غير متوقع.
الجزء السابع
خالد: حياه دي بقي المدرسة بتاعتك عايزك تبقي أشطر واحدة.
حياه: شكلها حلو قوي يابابا وأنا هبقي أشطر واحدة في المدرسة.
خالد: يلا ندخل بقي
حياه: حاضر
دخلوا المدرسة وراحوا علي غرفة المديره عشان تشوف حياه.
خالد: السلام عليكم إزي حضرتك
المديرة: وعليكم السلام
تمام الحمد لله
البنت القمر دي بنتك
خالد: أيوه دي إلا تطلعت بيها من الدنيا.
وفي الوقت دا حياه كانت مبسوطة وبتتفرج علي مكتب المديرة وخالد إتكلم مع المديرة بصوت منخفض
خالد:حضرتك عارفة إن حياه وحيده ووالدتها إتوفت وهي بتولدها وعايز حضرتك تخلي بالك منها ومتخلهاش تزعل.
المديرة(بزعل):تمام في عيوني
خالد:حياه تعالي
حياه:نعم يا بابا
خالد:بصي بقي إنتِ هتفضلي في المدرسة ومتروحيش إلا لما أجي أخدك من الشغل فهمتي كدا
حياه:حاضر يا بابا
خالد:مفيش بوسة بقي لبابا قبل ما يروح الشغل.
حياه:جريت حضنته بفرحة وباسته
وخالد راح الشغل زي عادته ووصي المديره علي حياه.
وبدأ يوم دراسي جديد وحياه جديدة لحياه.
في الحصص إلا قبل البريك عرفوا نفسهم والمدرسين حبوا حياه جدًا هي فعلًا مميزة وشكلها الملاك.
في البريك حياه لسه متعرفتش علي أصدقاء وقاعدة لوحدها وزمايلها كلك معاهم أكل وقاعدين يتكلموا عن أمهاتهم هي إلا عمللهم كل حاجة.
وحياه قعده تحت شجره وسامعة كلام العيال إلا جنبها وقعدة تفكر هو أنا ليه معنديش أم هي ماما فين هو أنا مسألتش بابا ليه لما أروح هسأله.
وفجأه وهي قاعدة لقت بنت جت تقعد جنبها.
البنت:إزيك يا عسل
حياه:الحمد لله
البنت:أنا رغد
حياه:وأنا اسمي حياه
رغد:قاعدة لوحدك ليه
حياه:أصل أنا لسة جديدة وعرفش حد.
رغد:أيوه خلاص صحاب
حياه(بفرح):حاضر
وقاموا سلموا علي بعض واتعرفوا وبقو أصحاب.
وكملوا حصصهم وانتهي اليوم الدراسي.
خالد جه ياخد حياه وكانت حزينه ومتكلمتش خالص وبعد ما روحوا البيت.
حياه:أنا عايزة أعرف حاجة يا بابا
خالد:حاجة أيه قولي
حياه:هي فين ماما العيال إلا معايا في المدرسة كلك قاعدين يقولوا ماما.
خالد:واقف ومش عارف يقول أيه تعالي يا حياه إنتِ عارفه ماما فين ماما في مكان حلو جدًا وشايفاكي وإنتِ بتكبري ومبسوطة عشان شيفاكي مبسوطة هى فوق عند ربنا وخي شيفاكي.
يلا بقي نحضر الأكل عشان ناكل
حياه:حاضر يا بابا
وحضروا الأكل وإتغدوا سوي
خالد:يلا بقي احكيلي حصل معاكِ أيه في المدرسة.
حياه:خدنا حاجات كتير والمدرسين كلك حبوني وكمان إتعرفت علي رغد وبقينا صحاب وعلي واجب كمان أنا رايحة أحله عشان أبقي شاطرة.
خالد:حاضر يلا عشان تبقي أشطر واحدة.
حياه:أنا رايحة أحل الواجب.
وخالد دخل المكتب وخلص شغله كمان.
بالليل اتبسطوا سوي وسمعوا مسلسل ودخلوا يناموا عشان مدرسه حياه وشغل خالد.
الجزء الثامن
وبداية يوم جديد حياة بتتكرر كل يوم.
خالد: يلا يا حياه عشان المدرسة
حياه: عايزة أنام شوية يا بابا
خالد: يلا يا حياه بطلي كسل يلا عشان المدرسة
حياه: اه خلاص ماشي هصحي.
خالد من بعد وفاة أمل بقي عليه مسئوليات كتير وخصوصًا إنها تركت حياه طفلة ودلوقتي بيقوم بدور الأب والأم حقيقي الأمر صعب.
فطروا وركبوا العربية وخالد وصل حياه للمدرسة وودعها بحب وبعدين راح شغله.
رغد: حياه عاملة أيه
حياه: الحمد لله
رغد: أنا كنت مستنياكي وبفكر فيكِ من إمبارح بجد أنا حبيتك.
يلا ندخل الفصل بقي
حياه: يلا
مدرسة العربي: أنا مدرسة العربي اسمي أميرة هنتعرف النهاردة علي بعض النهاردة مش هناخد حاجة
يلا كل واحد يقوم ويعرف نفسه.
من أول ما دخلت مدرسة العربي ولفت إنتباها حياه بجمالها وعيونها الزرق وشعرها الحرير هي كانت مميزة وأجمل طالبة في الفصل ووشها في براءة وحب.
مدرسة العربي: يلا يا عسل هنبدأ بيكِ يلا عرفي نفسك.
حياه: أنا
مدرسة العربي: أيوه
حياه: أنا حياه عندي ٧سنين وعايشة مع بابا.
مدرسة العربي: ومامتك فين
حياه: بابا قالي ماما عند ربنا
مدرسة العربي بزعل: الله يرحمها وصعبت عليها حياه جدًا.
وبدأت تكمل في حصة التعريف.
وبعد حصتين والأمر عادي.
في البريك.
رغد: يلا نقد في الجنينة يا حياه
حياه: يلا
راحوا قعدوا في الجنينة وقعدوا ياكلوا وهما بياكلوا في بعض الأطفال إلا في فصلها قعدوا يدوروا حواليها ويعيروها عشان مامتها مش موجودة وحياه قعدت تبكي وأول مرة حد يجرحها كدا صوت الأطفال كان عالي ومدرسة العربي جت علي صوتهم.
مدرسةالعربي:في أيه يا ولاد عاملين صوت ليه
رغد بزعل علي حياه:مدرستي قعدين يعيروا حياه علشان مامتهامش موجودة.
مدرسة العربي:كدا ينفع يلا مشوا من هنا.
بصت لحياه لقتها بتبكي وزعلانة
تعالي يا حياه معايا وأخدتها علي المكتب وهدتها.
أميرة(مدرسةالعربي):حياه متبكيش وبعدين ماما شيفاكِ عايزاها تبقي زعلانة.
حياه:لا
أميرة:خلاص يلا ابتسمي وريني إبتسامتك الجميلة
حياه:ضحت بعد ما سمعت كلام المدرسة.
المدرسة:أنا عايزة أشوف بباكي بقا أشوف مين جايب القمر دا.
حياه:حاضر هو بيجي ياخدني لما أخلص مدرسة.
المدرسة:خلاص هستناه.
يتبع..........
الجزء التاسع
مدرسة العربي أميرة وحياه فضلوا مستنين والد حياه في المدرسة وبعد شوية جه عشان ياخد حياه.
خالد: السلام عليكم
أميرة: وعليكم السلام أنا أميرة مدرسة العربي إلا بتدرس لحياه
خالد: إتشرفت بحضرتك.
أميرة: كنت عايزة أكلم حضرتك في موضوع .
خالد: إتفضلي
أميرة: حياه
حياه: نعم
أميرة: روحي في الجنينة شوية
حياه: حاضر
أميرة: أستاذ خالد أنا عرفت إن والدة حياه مش موجودة دا صح.
خالد (بزعل): أيوة
أميرة: حياه النهاردة صحابها عيروها عشان مامتها متوفية لولا أنا ما جيت في الوقت المناسب وهديتها كانت هتبقي في أمر صعب حاول تخليها مبسوطة دايمًا ومتفكرهاش بمامتها.
خالد: والله أنا بحاول علي قد ما أقدر بس الموضوع صعب وكل مدي ومدي بيصعب أكتر حياه بتكبر وبقت عارفة وبتسأل من صغرها وأول ما فتحت علي الحياة لقتني لوحدي واتوليت كل مسئوليتها بس حياه بتكبر من يومين سألتني فين ماما وشمعنا أنا مليش أم وصحابي عندهم وشرحتلها بطريقة بسيطة وحليت الموضوع بس لحد إمتي.
أميرة: حاول بس تكون جنبها طول الوقت ومتحسسهاش بعدم وجود مامتها وأنا هبقي معاها في المدرسة هنا .
خالد: شكرًا لحضرتك وبقدر وقوفك جنب حياه بس خلي بالك منها
أميرة: طبعًا والله أنا لما شفتها حبتها.
خالد: حياه يلا نمشي
حياه: حاضر يا بابا
خالد: السلام عليكم
أميرة: وعليكم السلام
خالد خد حياه وطلعوا علي العربية
حياة: بابا
خالد: نعم
حياه: أنا عايزة بقي نعمل النهاردة مكرونة عشان أنا بحبها جدًا
خالد: بس كدا من عيوني يا أميرتي
حياه: أنا بحبك أوي يا بابا
خالد: وأنا كمان بموت فيكِ يا أميرتي يلا بقي وصلنا.
وطلعوا علي البيت.
خالد: يلا يا حياه غيري هدومك وأنا كمان هروح أغير هدومي ونيجي نحضر الغدا سوي.
حياه: حاضر يا بابا
خالد: حياه هاتي كيس المكرونة دا
حياه: حاضر بس حطلي عليها صلصة عشان أنا بحبها
خالد (ببسمة): حاضر
وجهزوا الأكل وبدأوا يتغدوا.
خالد: يلا يا حياه روحي حلي الواجب وذاكري إلا أخدتيه في المدرسة وأنا كمان هخلص الشغل.
حياه: حاضر يا بابا
بالليل خالد وحياه متعودين يقعدوا سوي ويسمعوا فيلم.
خالد:يلا يا حياه روحي نامي بقي عشان المدرسة.
حياه:حاضر يا بابا بس احكيلي قصة الأول وأنا هنام
خالد:حاضر
ونشوف هيحصل أيه
يتبع...........
