قصة توأم روحي
قصة توأم روحي
للكاتبة حنان فطين
 |
| قصة توأم روحي |
الساعة 6 صحيت الصبح لبست ونزلت راحت مكانها المفضل قعدت وسط الزرع والشجر والطيور وكل حاجة حلوة تريح الأعصاب..
بس هي مش مرتاحة، مخنوقة فضلت تعيط وبعد كدا طلعت ترسم رسمته هو برضو هي مش عارفه بس حاسه انها شافته بعد ما رسمت قعدت تتكلم معه
= انا مخنوقه اووي مش عارفه من ايه بس حاسه اني تعبانه والكل بيبعد عني.. ليه الكل شايف اني اتغيرت بس ان زي مانا
مش عارفه انا اتجننت ولا ايه بتكلم مع ورقه ايه الهبل الي بقيت فيه دا... قفلت الاسكتش وراحت علي الجامعه
**************
= ايه يا جو بتعمل ايه.... يابني انت مزهقتش دا الاوضه كلها صورها
_ والله يا احمد مش عارف بس عاوز القيها لازم اشوفها وحشتني اووووووي
= هتلاقيها يا صحبي ان شاء الله هتلقيها
&&&&& استووووب اعرفكوا بنفسي انا وعد 21 سنه كليه هندسة اتربيت في ميتم واول ما طلعت مكنش ليا حد مش عارفه انا مين واذا كان ليا اهل ولا لا عشت ايام وحشه اوووي واشتغلت كتير علشان أدبر فلوس الجامعه والاوضه الي قعده فيها كان ممكن اقعد كذا يوم من غير حد وفجأه بقي لا خلاص طولت عليكوا هتعرفوا لوحدكوا بقي
&&&&
(في الجامعه)
_ سلام عليكوا
= ازيك يا وعد عامله ايه
_ الحمد لله يا زينه..مالك
= متخانقه انا وإسلام ايه الجديد
_ يابنتي والله بصي مش قصدي اضايقك بس مينفعش والي بتعملوا حرام وكدا ربنا مش هيباركلكوا في علاقتكوا علشان بدايتها غلط
= طب اعمل ايه يا وعد ما انتي عارفه اني كل ما بقول لاسلام او احاول افهموا بيفتكر اني عاوزه ابعد عنه
_ مينفعش يا حبيبتي بصي انتي فهميه براحه اصل هو ولا خطيبك ولا جوزك محرام والله فأنتي اقعدي وكلميه ولو هو فعلا بيحبك مش هيخيكي تاخدي ذنوب بالعكس دا هو المفروض الي ياخد ايدك للجنه يا حبيبتي انتي فاهمه قصدي
= ايوا فاهمه والله وانا عارفه اني غلطانه اني سمحت بنفسي اني اكلموا بس عارفه انا هقوله ولو قالي حاجه هقوله براحتك بقى عاوزني تيجي تتقدملي ومش عاوز براحتك وهبقي رضيت ربنا
_ واكيد ربنا هيرضيكي... ادعيلوا لو بتحبيه ادعي ربنا يهدي وادعي لربنا انو يجمعكوا سوء
= يارب يا وعد.. ربنا يخليكي ليا بجد انتي اكتر من اختي
_ ويخليكي ليا.. يلا علشان نروح المحاضره
&&&&&&&&
= ها يا سعد عرفت حاجه
_ انا اسف يا يوسف بيه بس لسه
= انت هتستعبط ياروح امك بقولك تجبها تدور عليها لو تحت الارض عاوزها مفهوم
_ ح. ح. حاضر يا باشا
=(لنفسه ) يترا انتي فين يا شمس
_ مالك يا يوسف بتزعق ليه
= مشغل متخلفين يا احمد مش عارفين يلقوها بقالهم سنين بيدوروا ومجبلوش معلومه واحده عنها
ايه الأرض انشقت وبلعتها
_طب اهدي وان شاءالله هتلقيها.. بس انا عاوز اعرف انت ايه الي بياكدلك انها عايشه
= حلم
_ انت بتهزر صح
= لا والله بتجيلي كل يوم من الحلم من يوم ما ضاعت وانا بشوفها بتكبر كل يوم وبنقعد ونتكلم مع بعض بس هي انهارده قالتلي اني قريب هروحلها نفسي القيها ياااارب
_ متخفش يا صحبي هتلاقيها وقريب كمان ان شاء الله
= ان شاء الله... صحيح عملت ايه في صفقه بتاعت ألمانيا
_ الوفد جاي علي الساعه 2.. هتحضر الاجتماع
= لا مش قادر ظبط انت الدنيا
_ تمام
&&&&&&&&&&
