اسكريبت حق لازم يتاخد

_ ماشى، و هو يرتدى نظارة القراءة، هاتى اقراه

_ اتفضل ، هستنى رأيك يا مدير، سلاموا عليكوا 

 ………………………… 

_ عادل، روح هات اختك من الشغل 

_ كتعة هى ولا مشلولة، مش هتعرف تيجى لوحدها 

_ متقولش كده على اختك، روح يا زفت الطين هاتها 

_ هو علشان انا اللى معايا عربية اروح اجيبها 

_ اومال تقعدلى يعنى 

_ حاضر، هنزل اجيب سمو الأميرة 

_ و هات كسبرة و انت جاى علشان هعمل ملوخية 

_ من عنيا، حمرى البطاطس بس كويس 

_ انزل يلا 

…………………………

_ جامدة ، أسماء بتعمل جمدان يا جدعان 

_ أسماء بتعمل شغلها يا شيماء مش جاية تاكل 

_ بتبصيلى فى الأكل يا سيمو 

_ لا بنصحك ، المدير هينقلك عمود الطعام لما يزهق منك 

_ احسن من عمود الكوارث اللى انا فيه ده 

_ طب اتلمى، انا ماشية دلوقتى علشان عادل رن عليا، عاوزة حاجة 

_ سلامتك 

_ باى 

_ اخى، روح قلبى من جوا اللى هيروحنى من الشغل ناو 

_ اركبى يا حيوانة، ما سواق اهلك انا 

_ عدى على ماك و احنا مروحين عاوزة ايس كريم 

_ ماك فى عكس الطريق ايه هيودينا هناك 

_ اختك هتموت على ايس كريم يرضيك اختك تموت

_ لا ميرضنيش طبعا، امرى لله، ابقى فكرينى اجيب كسبرة علشان منساش