حوار صحفي مع الكاتبة آلاء خالد

نعرض اليكم موهبة مختلفة ومميزة وهي:-

 الاسم / آلاء خالد محمد 

السن / ٢٢ سنة 

المحافظة / القاهرة 

المؤهل / بتدرس ف كلية تربية لغة عربية 

المهنه / مدرسة لغة عربية 

الموهبه / الكتابة والرسم

بدأت امتى في المجال الادبي وازاي..؟

بدأت كتابة من فترة قربت ع السنة، كنت بقرأ لأصدقاء ليا فـ نفس المجال، فلقيت نفسي بتشد للكتابة وحبيت اجرب بس حاليًا الكتابة بقت مصدر ليا أعبر عنه او أعبر بيه، بعتبرها مجال للفضفضة وفرحانه جداا بالتجربة دي لانها بقت جزء من شخصيتي .

ايه العوائق اللي واجهتها وازاي قدرت تعديها..؟

ف البداية خدت نقد كتير بس، انا ولا مرة زعلت من النقد دا بالعكس كنت بتعلم مته اكتر، بدأت اطور من نفسي وأقرأ كتير وأخد خبرة أكتر من الكتب ولقيت القراءة أهم من أي حاجة بتوسع المعرفة وبتفيد جدًا مش ف مجال الشِعر بس وحاجات تانية كتيرة .

مين او ايه اللي كان مصدر دعمك ..؟

خدت دعم من ناس كتير جدًا مش هذكر منهم حد معين عشان منساش حد، بس انا فرحانه بكل شخص قالي كلمة حلوة وكان سبب ف اي نجاح ليا حتي لو بسيط .

اتكرمتِ قبل كده..؟

اتكرمت من مبادرة حلم الشباب وحلم الفؤاد اكتر من مرة ومن دار بوقار وكيان آفاق كان من اكبر الدعائم ليا برضو، واكتر من كيانات كانت مصدر دعم بجد .

ليه اختارتِ الشعر العامي ..؟

اختارت الشِعر العامي لأنه سهل يوصل للناس .

ايه ابرز اعمالك..؟

شاركت ف ٣ كتب مجمعة 

منهم ٢ إلكتروني

كتاب "نفوس كُتاب"  

كتاب " العقد الثمين للدفاع عن فلسطين"

وكتاب ورقي لمعرض القاهرة ٢٢ 

كتاب"إني أنستُ حرفًا " .

ايه الرسالة اللي تحب تقدمِها لمبادره الجيل الخامس ..؟

إن الشِعر حاجة جميلة جدًا والكتابة جميلة، والأحلي لو نقدر نوصل بيها أفكار إيجابية تفيد الناس .

مين الشاعر المفضل ليكِ، وليه..؟

الشاعر المُفضل ليا هو تميم البرغوثي 

بحب أسمع وأقرأ ليه، مبدع ف كل كلمة بيكتبها او بيقولها سواء فصحي أو عامية وعنده خبرة عالية جدااا فبستفاد منه ف كل حاجة 

ايه خططك للمستقبل..؟

ان شاء الله بحاول اخلص ديواني المنفرد لمعرض القاهرة ٢٣ وربنا يوفقني وتبقي خطوة كويسة ونجاح ليا .

رسالتك لكل شخص يمتلك هذه الموهبة أو يمتلك موهبة أخرى؟

رسالتي لأي شخص بيمتلك موهبة معينة يمشي فيها بطريقة صح وينمي أفكاره ويطورها بطريقة تفيده مش بس ف مجاله بل الحياة عمومًا