طريقة عمل الكنافة بالمكسرات بطريقة سهلة وناجحة وبسيطة

_ نصف كيلو كنافة

_ كوب سمنة (⅓ سمن بلدي، ⅔زيت) 

_ 500جرام سكر

_ 350 جرام ماء

_ رشة فانيليا

_ ملعقة ماء ورد

_ نصف ليمونة

التحضير:-

نحضر السيرب الأول ولازم يكون قوام وسط عشان يظبط الكنافة ويكون تماسكها قوي وطرية وفيها قرمشة بسيطة

يغلى السكر مع الماء ونهدي النار ونسيبه يغلي على الهادي لمدة 7 دقائق وبعدها نضيف الليمون الفانيليا وماء الورد وننتظر تلات دقائق ونطفي

نجهز الكنافة نحتاج للمقدار ال نصف كيلو *صينية مدورة* مقاس 26سم أو 24سم ولو عاوزاها سميكة شوية ندهنها كمية سمنة كويس ب3 ملاعق كبيرة

نفكك الكنافة من بعضها وننزلها رش في الصينية ونساوي بإيدينا الأطراف والوسط ومنضغطش عليها غير من الوسط بس على شان لما نحشيها ونضيف الطبقة التانية تتماسك مع بعض، نحضر الحشوة ونضيفها في الوسط ونوزع كويس وبعدين نرش الطبقة التانية لحد ما نكملها... 

نجهز كيس نضيف ونغطي بيه الكنافة ونجيب صنية نفس حجم صينية الكنافة ونكبس بيها صينية الكنافة ونضغط كويس

بعد ¼ ساعة: ضيف السمنة السايحة مع الزيت واسقي بيها الكنافة كويس والزيت عشان متكونش تقيلة في الأكل وتعطي قرمشة جميلة

دخليها فرن مسبق التسخين على حرارة 190 درجة مدة 15 دقيقة وطلعيها واقلبيها على الوش التاني ودخليها كمان 5 دقائق

تقدري تظبطي لونها الل حباه في الفرن وأول ما تخرج اسقي السيرب الوسط بارد لحد ما تتشبع وتسيبيها 10 دقائق ثم تقلبيها الجهة التانية برده على شان تتشرب وتغطيها وتسيبيها تبرد خاالص قبل ما تقطعيها

وكل سنة وإنتِ بخير🤍✨