حواديت آية وطلعت
حواديت آية وطلعت
للكاتبة: آية سمير محمد
قاعد في جنينة فيها زرع وخُضرة وصوت فيروز وهيا بتقول: بتطُل الليالي.. وبعدك على بالي على بالي.
بيشاور عليا وبيقولي: تعالي
 |
| حواديت آية وطلعت |
= حضرتك بتناديني أنا؟
أيوة اقعدي معايا شوية بما إنك قاعدة لوحدك وأنا كمان لوحدي
= قعدت قدامه وأنا مُبتسمة وقولتله: حاضر
قوليلي أنتِ اسمك إي؟
= اسمي آية
الله اسم جميل أوي، طيب أنتِ عارفة إي معنى اسمك؟
= آه معناه البُرهان أو الدليل
أنتِ جميلة أوي
= ابتسمت أوي وعيني في الأرض وبقوله: ربنا يفرحك
ضحكتك حلوة أوي
=.....
قوليلي أنتِ هوايتك إي؟
= التصوير
الله اجتهدي يا فنانة وتطلعي مُخرجة قد الدُنيا
= بصيت في الأرض وأنا زعلانة: بس أنا نفسي أكون مُهندسة
وليه لا؟! بصي يا آية..
= نعم
أي مجال تُدخليه حلو مفيش حاجة وحشة، بس اجتهدي فيه واتعبي هتوصلي لحاجة أكبر من الل كُنتِ بتحلمي بيها
= يعني أنا ممكن أبق مهندسة ومصورة كمان؟
آه طبعا وتبقي مُدربة سباحة كمان
...
